Drago Ulama

(1936. – 2011.)

RADI PAMETI

     Nek bom človek
     Keremu se sodi
       Radi pameti
         Vse jeno
 Nekomu pripadam
           Sam
         Vu sebi
         Spasa
            Ni

(nek bom človek, neka budem čovjek – keremu, kojemu – vse jeno, svejedno, ipak – spasa ni, spasa nema)

 BEZ PEROTI

Kak da sem
Dozrel
Za nekaj
A tega ni

Bežim
Prek
Celega travnika
V dugu
Prazne roke
Nosim

Kak da sem
Dozrel
Za nekaj
A tega ni
Baš mi se
Ne smeji

(bez peroti, bez krila – a tega ni, a toga nema – celega travnika, cijele livade – smeji, smije)

ŽALOSNA VRBA

Dužen sem vsim
Smehima
Po jen juk
Jeno kajaje
Pak zato nigdar ne skrivlem
Jesenske sence vselene
Vu moje oči zmučene

(dužen sem, dužan sam – vsim, svim – po jen juk, po jedan plač – kajaje, kajanje – pak zato nigdar, pa zato nikad – ne skrivlem, ne skrivam – vselene, useljene)

PREGRADO SEM SRCE

Pregrado sem
Srce
Ludi
Na pul
V jenem del imam smeh
Vu drugem pregeršt soz
Smeha delam med
Sozih sul
Pregrado sem
Ludi i srce na pul
Na une uzgur
Na une uspud

(na pul, na pola – v jenem deli mam smeh, u jednom dijelu imam smijeh – smeha delam med / suzih sol, od smijeha radim med, od suza sol – une uzgur, one odozgo – une uspud, one ispod, odozdo) 

UKULI MENE

Ukuli mene
Vsi smo
Vse
Sam
Ne značim neč
Če vas
Ni ukuli
Mene več

Tak lepo
Marelica
Vu vrtu cvete
I pod njim
Z mačom igra dete

(ukuli mene, oko mene – neč, ništa – če vas ni ukuli mene več, ako vas više nema oko mene)

MATI I OČA

To so
Dve
Velike reči
Dve
Vroče peči
V hudem
Lepem
Dve rože
Dišeče
Spod kože
V rokah držiju
Male
Puže i muže
To so
Dve sveklo tople
Reči
I nemrejo
Nemrejo pobeči
Nit v zemlu
Nit v nebo

(vroče, tople – v hudem, u ružnom, teškom – dišeče, mirisave – spod, ispod – puže i muže, djevojke i mladiće – sveklo, svjetlo – nemrejo, ne mogu)

SUL I JEZIK

Neč ni daleko
Tak
Daleko
Kak človek
Od človeka

Neč ni blizi
Tak
Kak človek
Človeku

Gda sam
V mrzlo skočo
Sem se speko
Kak i v vročem

Nigdar
Do kraja
Nisem
Nekaj reko

(sul, sol – neč ni, ništa nije – skočo, skočio)

NAVLAČEJE

Vlečem nebo
V sebe
A kak me
Zemla
Lepo drži
I navek
Na njoj
Nekaj mi fali
Pameti
Ki v nebo hlapi
Vlečem nebo
Vu sebe
Kak da mi se leti
A po zemli
Tackam baš
I niš da ju ne boli
Pameti
Pameti
Veliko mi fali

(navlačeje, natezanje – vlečem, vučem – navek, uvijek – tackam, gazim – veliko mi fali, mnogo mi nedostaje)

PAK KAJ

Še jenput še stotaču
Še jezeraču krat
Otpalo bo žuto lisje
Še ne vem kuliko krat
Korita bojo potokom tesna
I nišče ne bo znal
Zakaj hvečer skrivečki
Kmica kušuvle
Zeleno listje jagnedov

(pak kaj, pa što – še jemput, još jednom – še stotaču, još stotinu – še jezeraču krat, još tisuću puta – še ne vem kuliko krat, još ne znam koliko puta – nišče, nitko – hvečer, uveče – kmica kušuvle, tama ljubi – jagnedov, jablane)

POROK

Gda me vetri razneseju
Poroči po tihem listju
Kak je naše verovaje
Zopet jutro zažarilo
Gda me potoki popijeju
Zapopevli na vsim zviriščima
Nek moje i tvoje
Popevke vode nosiju

(porok, poruka – gda me, kad me – zopet, opet – zapopevli na svim zviriščima, zapjevaj na svim izvorima – popevke, pjesme)

RADI PAMETI – (KUMROVEČKI PELIN, Drago Ulama; Narodno sveučilište Klanjec, Biblioteka poezije, Klanjec, 1986.)

BEZ PEROTI, UKULI MENE, MATI I OČA, SUL I JEZIK, NAVLAČEJE – (KUMROVEČKA SUL I JEZIK, Drago Ulama; Narodno sveučilište Klanjec, Biblioteka poezije, Klanjec, 1985.)

ŽALOSNA VRBA, PREGRADO SEM SRCE, PAK KAJ, POROK – (KUMROVEČKI ŽVEPELNI MOŠT, Drago Ulama; Narodno sveučilište Klanjec, Biblioteka poezije, Klanjec, 1986.)