U prostorijama Društva hrvatskih književnika u Zagrebu u petak 8. travnja 2022. održan je tradicionalni susret „Lirika Velikog petka“, jedan od mnogih programa u sklopu svečanosti Pasionske baštine. Tijekom susreta čitala se poezija šest pjesnikinja nadahnutih Kristovom mukom: Enerike Bijač, Ive Čuvalo, Božice Jelušić, Dragice Vranjić-Golub, Ljiljane Matković-Vlašić  i Tuge Tarle. Pjesme u izboru književnice Tuge Tarle prigodno objavljujemo u idućim danima. (hkv)

Josip Botteri Dini, Isus

3/ BOŽICA JELUŠIĆ

PREGNANCI MOLE JEZUŠA

Pomogni nam Jezuš, ostani z nami.
V megli kak testo zgubil se svet.
Mi pregnanci smo, trpeči, sami.
Na križoputju Ti visiš raspet.

Se je krvavo, zežgano, strto.
Našu su muku skljuvale čavke.
Gdi kucaš, najdeš joko zastrto:
Vu njem su pozoji, kače, pijavke.

Ornice hrđaju pod jabukom.
Obgoren tram se vu kalu črni.
Kruv naš se preobrnol v kamen.

Ti nas posveti Svojom mukom:
V ponjavu snega se nas zagrni.
Vmrti nam daj na našem. Amen.

(1993.)
____________
pregnanci – prognanici; pozoj – zmaj, drakun; kača – zmija; ponjava – plahta; križoputje – raskrižje

KAK SE KRIŽ NOSI

To navuk je milosti priskrbeči,
I hoče mu se skerbljiv zveršec.
Ni dosti biti muž z čvrsti pleči,
Nit z teškom vrečom opteršen teršec.

To meštrija je zveličenja-
Najprv ju navče po ternju hodeči:
Bokci i lazari od narođenja,
Žalosne matere, starci kopneči.

Si oni znadu kak Križ se nosi,
Kak žmehko drevo na hrptu žulja,
I koža žge, sfruštana na remence.

Al' saki koj' se pod Križom zanosi,
Zvrača se, kozla, popikce baulja,
Med Jezuševe se broji Cirence.
____________
skerbljiv zveršec – brižljiv izvršitelj; teršec – nosač, trhonoša; kozlati – puzati; popikce – spotičući se; Cirenac, Šimun – Isusov pomoćnik križonosac; sfruštan – bičevan, koji je prošao kroz špalir šiba

VERONIKIN RUBEC

Spravljaj, Veronika, beloga rupca:
Čalaren svet je, v zlo se vupira.
Črn dudaš črne gajde nabira;
Križno su Drevo stesali z trupca.

V zrušenom tornju cinkuš tuče.
Sprevod v daljine: jafkanje grozno.
Vreme je plačno, dolorozno,
Za suze Tvoje otkupljujuče.

V človeku Jezuš vmira bez slave.
Sud tela strupana, kervave glave;
Varoši potrte v jognju i trešnji.

Pod zemljom čkomeči mi bumo se zdigli.
Senjamo da smo ftisnoti stigli
Obraz na Rubec Tvoj otsvetešnji.

____________
čalarno – himbeno, lažno; dudaš – gajdaš; cinkuš – golgotsko zvono; dolorozno – žalosno; varoši – gradovi; trešnja – potres; čkomeči – šutljivi; ftisnoti – utisnuti; odsvetešnji – blagdanski

Povezano: Lirika Velikog petka u DHK-u